महा एमएसएमई प्रकल्प (प्रोजेक्ट)कर्ज योजना

बँक ऑफ महाराष्ट्रची एमएसएमई प्रकल्प कर्ज योजना सूक्ष्म, छोट्या आणि मध्यम उद्योगांना (एमएसएमई) आर्थिक पाठबळ देण्यासाठी तयार करण्यात आली आहे, ज्यायोगे त्यांना औद्योगिक क्षेत्रात विविध प्रकल्पांची उभारणी करता येईल. या योजनेअंतर्गत उद्योजकांना त्यांच्या आर्थिक गरजा भागवता याव्यात यासाठी आकर्षक अशी वैशिष्ट्ये असलेली ही योजना आहे.

प्रमुख वैशिष्ट्ये :

• मुदतकर्ज सुविधा : विविध स्वरुपाचे प्रकल्प उभे करण्यासाठी बँक आर्थिक सहकार्य देते, जेणेकरून एमएसएमईंना त्यांच्या व्यावसायिक कामकाजासाठी भांडवल उपलब्ध होते.
• प्राथमिक गरज : सहहमीची पूर्तता सहजपणे करण्यासाठी या योजनेच्या अर्ज रकमेतून तयार करण्यात आलेली मालमत्ता हे प्राथमिक स्वरूपाचे तारण असेल.
• सहहमीमुक्त कर्जरक्कम : सूक्ष्म आणि छोट्या (सीजीटीएमएसई) उद्योगांसाठी ₹5 कोटींपर्यंतच्या रकमेसाठी क्रेडिट गॅरंटी फंड ट्रस्ट अंतर्गत कर्ज प्राप्त होईल; ज्यायोगे अतिरिक्त सहहमीची गरज भासणार नाही.
• व्याजाचे स्पर्धात्मक दर : जेव्हा कर्जदार सहहमी प्रदान करतो तेव्हा त्याला एमएसएमई व्यावसायिक, व्याजदरात सूट देण्यात येते, ज्याद्वारे हे कर्ज अधिक किफायतशीर होते.
• परतफेडीची लवचिक मुदत : या योजनेअंतर्गत सवलतीच्या 2 वर्षांच्या मुदतीसह 10 वर्षांपर्यंत आहे, ज्याद्वारे उद्योजकांना स्थिरता प्राप्त करून कर्जाची परतफेड सहजसुलभ पद्धतीने करता येते.

एमएसएमई कर्ज अनुदान योजना

कर्ज सुविधांच्या व्यतिरिक्त, पात्र एमएसएमई यांना विविध एमएसएमई कर्ज अनुदान योजनांअंतर्गत लाभ मिळवता येतील. या योजना मुख्यत: उद्योजकांना व्याजाच्या रकमेवर अनुदान देण्याच्या माध्यमातून त्यांचा आर्थिक बोजा कमी करण्यासाठी तयार करण्यात आल्या आहेत. उदाहरणार्थ, कर्जाशी संलग्न भांडवल अनुदान योजना (सीएलसीएसएस) ही एमएसएमईना तांत्रिक सुधारण करणे, आधुनिकीकरण आणि स्पर्धात्मक क्षमता वाढविण्यासाठी सुरुवातीलाच 15% भांडवल अनुदान देते.

एमएसएमई कर्जाचा व्याजदर :

या योजनेअंतर्गत एमएसएमई कर्जाचा व्याजदर स्पर्धात्मक असण्यासाठी रचला गेला आहे, ज्यामुळे उद्योगांना मोठ्या खर्चाशिवाय निधी मिळू शकेल, याची खात्री होते.

कर्जाची रक्कम, कालावधी आणि तारण सुरक्षा प्रदान केली आहे की नाही यांसारख्या घटकांवर आधारित व्याजदर बदलू शकतात. विशेष म्हणजे, तारण ठेवल्याने लागू व्याजदरात कपात होऊ शकते, ज्यामुळे व्यवसायावरील आर्थिक भार आणखी कमी होऊ शकतो.

एमएसएमई कर्जासाठी पात्रता निकष :

एमएसएमई प्रकल्प कर्ज योजनेसाठी पात्र होण्यासाठी, अर्जदारांनी खालील निकष पूर्ण केले पाहिजेत :

• उद्योगाचे स्वरूप : अर्जदार हा एमएसएमई क्षेत्रात काम करणारा असावा, तो उत्पादन, व्यापार किंवा सेवा क्षेत्रात असावा.
• प्रकल्पाची व्यवहार्यता : योग्य पद्धतीने उभारण्यात आलेला, व्यवहार्य असेल असा आणि यशस्वी होण्याची क्षमता प्रकल्पात असणे आवश्यक.
• पूर्तता : प्रकल्पासाठी आवश्यक असलेल्या कायदेशीर आवश्यकतांची पूर्तता केलेली असावी तसेच एमएसएमईसाठी आवश्यक ती आवश्यक नोंदणी असणे आवश्यक.

एमएसएमई कर्जासाठी अर्जाची प्रक्रिया

इच्छुक उद्योजकांना एमएसएमई कर्ज योजनेअंतर्गत बँक ऑफ महाराष्ट्रच्या नजीकच्या शाखेला भेट देऊन अर्ज करता येईल.

अर्ज करण्याच्या प्रक्रियेत प्रोजेक्ट रिपोर्ट सादर करणे, आर्थिक अहवाल सादर करणे, केवायसी कागदपत्रे आणि बँकेने निश्चित केलेली अन्य कागदपत्रे सादर करणे याचा समावेश आहे. या संपूर्ण प्रक्रियेत मार्गदर्शन करण्यासाठी बँक अधिकारी उपलब्ध असतील जेणेकरून प्रत्येक विषयात स्पष्टता असेल आणि प्रत्येक टप्प्यावर मदत देतील.

एमएसएमई प्रकल्प कर्ज योजनेत सहभागी होण्यामुळे उद्योजकांना आवश्यक तो कर्जपुरवठा प्राप्त होईल, जेणेकरून त्यांना स्वत:चा उद्योग उभारता येईल किंवा त्यांच्या कामाची व्याप्ती वाढवता येईल, ज्यामुळे आर्थिक वृद्धी आणि विकास साधता येईल.

एमएसएमई औद्योगिक कर्जाचे स्पर्धात्मक दर, लवचिक अटी आणि समर्थनार्थ असलेल्या अनुदानाच्या योजना म्हणजे एमएसएमईसाठी यशाकडे नेणारा राजमार्गच आहे.