महा गोल्ड लोन स्कीम

सोने तारण कर्ज म्हणजे त्याच्या नावाप्रमाणेच हे सोन्याचे दागिने तारण किंवा गहाण ठेवून त्यांच्या बदल्यात दिलेले कर्ज आहे. हे एक सुरक्षित कर्ज आहे ज्यामधे कर्जदारांचे सोने तारण ठेवून त्याच्या बदल्यात रोखीच्या स्वरुपात कर्ज दिले जाते. आपल्या सोन्याची मालमत्ता लॉकरमध्ये ठेवण्याऐवजी, त्या सोन्याचा वापर करून आपल्या गरजेसाठी पैसे उभे करण्याचा पर्याय सोने तारण कर्जा द्वारे उपलब्ध होतो.

सोने तारण कर्जासाठी तारण म्हणून घेतल्या जाणार्‍या सोन्यामध्ये सोन्याचे दागिने, बांगड्या , नेकलेस, ब्रेसलेट, झुमके, पेंडेंट,इत्यादि, तसेच बँकांकडून जारी करण्यात आलेली आणि त्यांच्या मूळ छेडछाड-मुक्त पॅकेजिंगमध्ये असलेली सोन्याची नाणी घेतली जातील.

सध्याच्या मार्गदर्शक तत्त्वांनुसार, 22 कॅरेट सोन्याच्या दागिन्यांसाठी प्रति ग्रॅम रु . 4175/- किंवा गहाण ठेवल्या जाणार्‍या सोन्याच्या दागिन्यांच्या (त्यांवर जडलेली रत्ने वगळून) निव्वळ वजनाच्या बाजार मूल्याच्या 75%, यांपैकी जे कमी असेल त्या मूल्याचे सोने तारण कर्ज बँकेकडून मंजूर केले जाते.

आपण खालीलपैकी कोणत्याही माध्यमाद्वारे सोने तारण कर्ज घेण्याची प्रक्रिया सुरू करू शकता. अर्ज करण्याची प्रक्रिया सुरू करू शकता:

• बँक ऑफ महाराष्ट्र च्या कोणत्याही शाखेत वैयक्तिक रित्या भेट देऊन. आपली जवळची शाखा शोधण्यासाठी, कृपया येथे क्लिक करा येथे क्लिक करा
• आमच्या ऑनलाइन अर्जाच्या माध्यमातून कधीही कोठूनही अर्ज करा. ऑनलाइन अर्ज करण्यासाठी कृपया येथे क्लिक करा
• आमच्या कॉल सेंटरशी संपर्क साधून . आमचे टोल-फ्री क्रमांक पाहण्यासाठी, येथे क्लिक करा

सोने तारण कर्जाचा व्याजदर फिक्स्ड असून आणि कर्ज वितरणाच्या तारखे रोजी लागू असेल तो ऑफर केला जातो. बँक ऑफ महाराष्ट्र मध्ये सोने तारण कर्जावर भारतातील सर्वात कमी व्याजदर मिळतो, जो 9.30% प्रती वर्ष * पासून सुरू होतो. आरबीआय च्या मार्गदर्शक तत्वांनुसार आणि बँकेच्या विश्लेषणानुसार व्याजदरात बदल होऊ शकतो.

व्याजाची आकारणी मासिक चक्रवाढ पद्धतीने केली जाते, आणि निर्दिष्ट कालावधीत किंवा कर्ज खाते बंद होण्याच्या तारखेला, यापैकी जे आधी असेल त्या दिवशी कर्जदाराला ते भरावे लागेल. एकदा ठरलेला व्याज दर कायम राहतो (फिक्स्ड) आणि दररोज कमी होत जाणार्‍या शिल्लकीच्या आधारावर आकारला जातो.

*रीटेल कर्ज अंतर्गत सोने तारण कर्ज

सोने तारण कर्जासाठी अर्ज करण्याकरता पॅन कार्ड हे अनिवार्य कागदपत्र नाही. तथापि, अर्जदाराने केवायसी मार्गदर्शक तत्वांची पूर्तता केली पाहिजे.

बँक कर्मचार्‍यांसह सर्व व्यक्ती बँक ऑफ महाराष्ट्र कडे सोने तारण ठेवून कर्ज घेऊ शकतात.

सोने तारण कर्जावर कोणतेही दस्तऐवजीकरण आणि तपासणी शुल्क नाही. प्रक्रिया शुल्क हे कर्जाच्या रकमेनुसार आकारले जाते. सध्या रु. 10.00 लाख पर्यंतच्या कर्जा साठी प्रक्रिया शुल्क 'शून्य' आहे.

बँक ऑफ महाराष्ट्र कडून सोने तारण कर्ज घेण्यासाठी कोणत्याही जामीनदाराची आवश्यकता नाही.

बँक ऑफ महाराष्ट्र कडून सोने तारण कर्ज घेण्यासाठी सिबिल स्कोअर आवश्यक नाही. सोने तारण कर्जाच्या पात्रता निकषांमध्ये सिबिल स्कोअर किंवा कोणत्याही प्रकारच्या क्रेडिट तपासणीचा समावेश नाही – सोने तारण कर्जासाठी आवश्यक असलेली केवायसी कागदपत्रे सादर केली जावीत एवढीच अट आहे.

सोने तारण कर्जाचे व्याज स्वतंत्र पद्धतीने आकारले जाते आणि ते बँकेद्वारे निश्चित केले जाते